بحبك يا أمى

نظرة عينيها غريبة
لمسة إيديها رقيقة
في بريق كده في عينيها
دايما بياخدني ليها
و أقعد أحكي و أشكي
...و هي تسمع و تبكي
و أضحك و أقولها
كلمة في ودنها
بحكيلك و أفضفض ليكي
عشان تعيطي
تقولي ما أنتي عارفة
أنا بيكي بس حاسة
و قلبي شايف حزنك
و أنتي مخبياه في قلبك
أقول و عيني بتضحك
ما أنا عارفة أنك سامعة
كلامي قبل ما أقوله
بس بحب أحكي
عشان كلامك في قلبي
عمري ما راح أنساه

علمتيني كتير
ازاي أعرف أطير
من غير جناح و ريش
علمتيني الوضوح
و ازاي ممكن أبوح
بكلامي و يكون صحيح
علمتيني أن ربي
يملى عليا قلبي
و لا حد يفكر في يوم
حواليا بس يحوم
علمتيني بالزعيق
و أنا قلبي أصلا رقيق
كنت بزعل كتير
بس أرجع تاني و أفكر
أنك حارس أمين
دلوقتي بقولك و أعيد
يكون عمرك مديد
و ربي يخليكي ليا
و تملي الدنيا عليا
و أصحى في كل يوم
على بسمة عنيكي ليا

بــحـــبــك يـــا أمــــي